طريقة عمل معجنات بسيطة
قاعده ف أمان الله بعد مانزلتلكم بوست الرز وبوست الجلاش وملقيتش تفاعل وحسيت اني إنطفيت فجأه واكتئبت بسببكم روحت فتحت التلاجه وطلعت علبة الزبادي منتهية الصلاحية وقولت أنا خلاص جبت أخري منكم ومش قعدالكم فيها الدنيا دي وقومت فتحت علبة الزبادي وعملت بيها شوية معجنات لُقطه وقاعده بشرب شاي وباكل بس أنا من جوايا قلبي شايل منكم
الطريقه تحت الصور 🖤
مش هقول يختي يختي يختي عشان انا مقموصه بجد
مش هقول حاجه عشان حزينه
ولا هقول هنا بردو رغم إنهم قمر بس انا واخده ع خاطري منكم
ولا مش هقولكم هنا انه هش وخفيف وتحفه عشان إنتو مش بتقدرو مجهودي ومرمطة الفون فالتصوير
ومش هقولكم ع دي اللي شكلها تحفه وطعمها تحفتين عشان إنتو ضايقتوني
ولا هقولكم حاجه خالص ع دول إنهم اربع كوبيات دقيق بس عملوا كل ده عشان قفلتوني
نبتدي بالصلاة بالصلاة بالصلاة ونخش فالطريقه
هنجيب أربع كوبيات دقيق وعليهم رشة ملح ومعلقة صغيره بيكنج بودر ونقلبهم ف بعض ونركنهم زي مانا هركن قمصتي منكم وهقولكم الطريقه
هنجيب بوله ونحط كوبايه ونص ميه دافيه وحطيت عليهم معلقه كبيره خمير ومعلقتين سكر ودوبتهم ف بعض وبعدين زودت علبة زبادي واربع معالق زيت ومعلقه خل وندوبهم ف بعض زي مانتو دوبتوني م الزعل
بعدين نزلت بالدقيق ونعجن ولو احتاج منك ميه زودي لو احتاج دقيق زودي ع حسب العجينه معاكي
نسيت اقولكم إني حزينه بسببكم
بالشكل ده العجينه بتكون طريه ولينه مش تخينه وهناخد معلقة زيت كمان نلم بيها العجينه ونغطيها ونسيبها تخمر
زي مانتو سبتوني أنزل بوستات وتتفاعلوا وأفرح بالتفاعل وفالاخر خليتوا بيا وبطلتوا تتفاعلوا
عقبال ماتخمر عملت العجوه كده
ودي مش عجوه عمتاً ده بلح صعيدي فصصته م النوى وعجنتهم كويس ف بعض بمعلقة زيت بنفس المعلقة اللي بتشربوني بيها المُر من عمايلكم
العجينه خمرت مخدتش تلت ساعة عشان الجو
وعمومآ أنا مش هقولكم إني زعلانه منكم عشان الأهتمام مبيتطلبش
العجينه خمرت مخدتش تلت ساعة عشان الجو
وعمومآ أنا مش هقولكم إني زعلانه منكم عشان الأهتمام مبيتطلبش
هقطعها كور بالحجم ده
وعلفكره إنتو لو مهتمين كنتوا اتفاعلتوا ع البوستات بتاعة النهارده وامبارح
هاخد بالكوره وافردها بعصاية المكنسه بالشكل الطولي ده
زي طولة بالي عليكم رغم إنكم مزعليني
وهطبق الجنبين ع بعض ونحط العجوه بالشكل ده ونقفلها
زي مانتو هتخلوني احط الزعل ف قلبي واقفل ع نفسي
وهطبق الجنبين ع بعض ونحط العجوه بالشكل ده ونقفلهازي مانتو هتخلوني احط الزعل ف قلبي واقفل ع نفسي
بالشكل ده
بس عمتاً مش هقولكم إني زعلانه ولا هشتكي والجو ده
هنا خلصت كل الكميه وهغطيها واسيبها تتخمر
زي ماهسيبلكم الاكونت ومحدش هيعرفلي طريق
هنا اتخمرت دهنت الوش ميه بسكر ورشيته سمسم وهدخلهم فرن مسخن مسبقا ع نار متوسطه تحت وفوق هياخدوا من ربع لتلت ساعه وأقل
مية بسكر زي اللي هطفحوهالي لما قلبي يخفض عليا من الزعل
هنا استوو هستناهم يهدوا شويه
وعلفكره بقي انا قاصده أبين القطه عشان اخوفكم بس هيه
وبعدين هنحطهم ف صنيه فوق بعض ونغطيهم بفوطه وفوقها كيس او غطا ونسيبهم يبردو براحتهم وبس وعلفكره انا زعلانه منكم ومش هحطلكم صوره اخيره
الطريقه متواصله
هنجيب بوله ونحط فيه كوبايه ونص ميه دافيه وعليهم معلقة كبيره خميره ومعلقتين سكر وندوبهم وبعدين هنحط علبة زبادي واربع معالق زيت ومعلقة خل ونقلبهم ف بعض وننزل عليهم بااربع كوبيات دقيق ورشة ملح ومعلقة صغيره بيكنج بودر ونعجنهم ولو احتاج مننا ميه نزود ولو احتاج دقيق نزود لان كل نوع دقيق بيختلف عن اللي قبله وهنعجنها خمس دقايق كده وبعدين نحطلها معلقة زيت نلمها بيها وهتسيبها تخمر وبعد ماتخمر هنقطعها كور ونفرد كل كوره ع شكل بيضاوي طويل كده ونطبق الجنبين ع بعض ونحط العجوه ونقفلها وعمتاً مش هتفهموا التقفيل غير فالصور شوفوه المهم وبعد مانخلص تقفيل نسيبهم يخمروا وبعدين ندهن الوش ميه بسكر ورشة سمسم وندخلهم فرن مسخن مسبقا ع نار متوسطه تحت وفوق هياخدوا من ربع لتلت ساعه وهنطلعهم نسيبهم يهدوا دقيقتين وبعدين نحطهم ف صنيه وحده ونغطيهم بفوطه وفوقها كيس وبس
.webp)
